Trollip sit agter in die motor. Hulle steek ‘n vrou in ‘n rooi motor
verby. Sy het ‘n sigaret in haar mond.
“Jissus!” Sê Trollip toe sy pa skielik briek trap agter ‘n ander motor
wat wag vir die robot.
Trollip kyk na sy broer, wat voor hom sit, se bakore.
“As julle by die huis is, kyk ‘n bietjie dat die kaffers daardie area vir
die tennisbaan gelyk maak,” Sê Trollip se pa.
“Pasop hy’s rooi,” waarsku Trollip se broer by nog ‘n robot. Trollip se
pa het nie gehoor nie.
“Hulle gaan pa lelik vang hier.” StiIte. ‘n Swartman met ‘n plastieksak
loop op ‘n voetpaadjie in die veld tussen die mynhope.
“Groen! “
‘n Motor se flikkerlig is aan. ‘n ou met swart leerhandskoene, ‘n wit
trui en ‘n geel valhelm, wag op ‘n motorfiets by die robot. Daar is
teerdromme en sandhope langs ‘n sloot. Werkers in oranje oorpakke
staan rond.
By nog ‘n robot Sê Trollip se broer: “hulle kan nie draai nie, daar’s
plek vir ouens wat wil draai.”
Trollip se pa gaap.
Voor hulle ry ‘n vrou met hare tot op haar skouers in ‘n geel motor.
Een boom tussen ander is dood en moet nog net omval. Hulle ry oor ‘n
treinspoorbrug. ‘n Elektriese trein vertrek stadig van die stasie af.
“Gaan” Sê Trollip se broer by ‘n robot.
WHY ZOZO HOLIDAY HOUSES lees ‘n reklameplakkaat.
“Was daai toe daai hotel gewees?” vra Trollip se broer.
“Watter hotel?” vra Trollip se pa .
“Daai ronde een” Sê die broer.
“Dit was die Towers en nie die Tolman nie” Sê die pa.
“Ek hoop pa se flicker is aan … oppas voor” Sê die broer.
Daar is hortjiesblindings binne die agterruit van ‘n motor voor hulle
op die M2. Hulle verander van baan. Die drywer van die motor het ‘n
bril op, hy het ook ‘n wit hemp en ‘n das onder ‘n stywe boordjie aan. Sy
baadjie is mooi opgevou oor die sitplek langs hom.
Hulle ry stadiger.
“Nou moet ek daai vark vanmiddag skiet of nie?” vra Trollip se broer.
“As jy vroeg is dan moet jy hom skiet. Skiet hom in die centre van die
kop, steek hom in die blad.”
‘n Verkeerskonstabel beveel ‘n grys volkswagen met ‘n luidspreker
van die pad af.
“Hy stoot hom nou van die pad af” sê Trollip se broer wat in die
spieel kyk.
Die straatligte se skaduwees buig oor die pad.
Die Villiers-Graaf motorweg.
Die motors by die Braamfontein-afdraai wag met hulle bokserige
skaduwees langs hulle om in beweging te kom. Links onder word met
harke in die begraafplaas gewerskaf. Van lekkerkry hang ‘n spoegerige
mond van ‘n vrou in ‘n motor langs hulle, onder ‘n onderweg se
skaduwees, oop soos ‘n kraai wat warm kry .
Down a Lion feel satisfied.
“Tjjjk” maak Trollip se pa se mond, “toe kyk ek vir daardie kar in die
spieël, “
“Pasop vir hierdie siek siel” se Trollip se broer. ‘n Motor brul uit ‘n
ondergrondse parkeerterrein sonder dat die bestuurder links of regs
kyk. Trollip se pa slaan remme aan. Sy massiewe krom skouers ruk
vorentoe terwyl die motor tot stilstand kom. Sy mond vloek
onderlangs.
Nie ver daarvandaan nie parkeer hulle. Trollip gee sy pa se
dokumentetas van agter af aan en klim uit.
Trollip en sy broer loop na die universiteit. Twee karakters wat hulle
motorfietse op die sypaadjie geparkeer het, maak hulle valhelms los.
“Does he wants to settle everything he fancies?” vra die een.
This page has been sponsored.